Tryggingafræðileg staða
Athugun á tryggingafræðilegri stöðu hefur þann tilgang að meta eignir sjóðsins á móti þeim skuldbindingum sem felast í áunnum réttindum og framtíðarréttindum sjóðfélaga til lífeyris.
Í tryggingafræðilegri úttekt er metið hvort jafnvægi sé milli heildareigna og heildarskuldbindinga lífeyrissjóðsins. Þannig er annars vegar lagt mat á hreina eign sjóðsins til greiðslu lífeyris ásamt reiknuðu núvirði framtíðariðgjalda virkra sjóðfélaga og hins vegar núvirði væntanlegs lífeyris vegna þegar greiddra iðgjalda. Ef mismunur, á þannig reiknuðum heildareignum og heildarskuldbindingum, er meiri en 10% er hlutaðeigandi sjóði skylt að gera nauðsynlegar breytingar á samþykktum sjóðsins. Sama gildir ef munur hefur haldist meiri en 5% samfellt í fimm ár.
Miðað er við að ávöxtun eigna sjóðsins verði árlega 3,5% umfram hækkun vísitölu neysluverðs.
Við tryggingafræðilega úttekt er miðað við að ávöxtun eigna sjóðsins verði árlega 3,5% umfram hækkun vísitölu neysluverðs
Tryggingafræðileg staða
Tryggingafræðileg staða A og B deildar versnar frá fyrra ári. Halli A deildar er kominn yfir 10% og því er unnið að breytingum á samþykktum sjóðsins til að koma deildinni í jafnvægi. Staða V deildar batnar þar sem í upphafi árs 2023 voru gerðar breytingar á réttindatöflum deildarinnar.
Áfallin lífeyrisskuldbinding
Áfallin lífeyrisskuldbinding sýnir réttindi sem núverandi sjóðfélagar og lífeyrisþegar hafa áunnið sér.
2022 | 2021 | 2020 | 2019 | 2018 | |
---|---|---|---|---|---|
Ellilífeyrir | 238.831 | 201.168 | 161.485 | 140.531 | 125.772 |
Örorkulífeyrir | 25.304 | 20.400 | 15.734 | 13.193 | 11.274 |
Makalífeyrir | 5.468 | 4.671 | 4.843 | 4.222 | 4.052 |
Barnalífeyrir | 700 | 549 | 454 | 356 | 282 |
Núvirði framtíðarrekstrarkostnaðar* | 3.694 | 3.149 | 2.641 | ||
Áfallin skuldbinding samtals | 273.997 | 229.937 | 185.156 | 158.302 | 141.380 |